14 декабрь – Башҡорт теле көнө.
Иң матур, иң яғымлы телдәрҙең береһе булған туған телебеҙ көнө менән ҡотлайбыҙ!
Башҡорт теле — ата-бабаларыбыҙҙың иң ғәзиз бүләге, халҡыбыҙҙың тәрән аҡылын, бай тарихын, ғөрөф — ғәҙәттәрен һәм йолаларын бергә туплап, беҙҙең көндәргә тиклем килтереп еткергән. Шулай уҡ 14 декабрь – башҡорт халҡының атаҡлы мәғрифәтсе — шағиры М.Аҡмулланың тыуған көнө!
Ошо байрам айҡанлы беҙҙең мәктәбебеҙҙә төрлө саралар үтте.
5 -се класс уҡыусылары үҙҙәренең белемдәрен «Ҡыҙыҡлы башҡорт теле» этно-квиз уйынында һынаһалар, өлкән кластар викторинала ҡатнашты. Күренекле башҡорт мәғрифәтсеһе М. Аҡмулланың тормош юлы һәм ижады менән таныштылар.
Башланғыс класс уҡыусылары, башҡорт теле көнөнә арналған дәрес- уйындарҙа ҙур теләк менән әүҙемлек күрһәттеләр.
Байрам Башҡортостандың билдәле шағирҙарының шиғырҙары шәлкеменән торған флешмоб менән тамамланды.
